Pireezidaati Taayyeen Barreessaa Olaanaa Mootummoota Gamtoomanii waliin mari’atan

Finfinnee, Guraandhala 7, 2017 (FMC)- Pireezidaatiin FDRI Taayyee Atsiqasillaaseen Barreessaa Olaanaa Mootummoota Gamtoomanii Antooniyoo Guutareez waliin mari’ataniiru.

Marii isaaniin dhimoota Biyyalessaa, Naannawaa fi Idil Addunyaa irratti mari’ataniiru.

Pireezidaanti Taayyeen Itiyoophiyaan misoomaa fi nageenya naannawaa fi biyyaalessarratti hojiilee bal’aa hojjechaa jiraachuu ibsanii, adeemsi marii biyyaalessaa milkaa’inaan ittifufu ibsaniiruufi.

Antooniyoo Guutareez gama isaaniin Itiyoophiyaan rakkoolee jiran waarinaan furuu fi waliigaltee biyyaalessaa uumuuf mariin biyyaalessa eegalte adeemsa gaariirra jiraachuun kan jajjabeeffamuudha jedhaniiru.

Nageenyaa fi misooma naannawaaf Itiyoophiyaan gumaacha olaanaa taasisaa akka jirtu kaasanii, dhimmoota biyyaalessaarraa darbee dhimmoota naannawaa fi Idil Addunyaa irratti walta’iinsi seena qabeessaa Mootummoota Gamtooman waliin qabdu kan dinqisiifatamuudha jedhan.

Fuuldurattis waltajjiiwwan damee hedduurratti walta’iinsi Itiyoopiyaa fi Mootummoota Gamtoomanii cimee akka itti fufu kaasaniiru.

Pireezidaanti Taayyeen, Itiyoophiyaan Mootummoota Gamtooman waliin walta’iinsi qabu seenaa qabeessaa fi karaa hedduun kan ibsamu ta’uu himaniiru.

Deeggarsa Mootummoota Gamtooman irraa argattus kan jajjabeeffamu ta’uu eeruun, kunis fuulduratti cimee itti fufuu akka qabu kaasuu TOI gabaaseera.

#Oromia #Ethiopia