Fana: At a Speed of Life!

Pirojektoonni invastimantii kaappitaala Birrii bil. 93.5 galmeessan murtoo argataniiru-Pir. Shimallis Abdiisaa

Finfinnee, Guraandhala 2, 2017 (FMC)-Pirojktoonni invastimantii kuma 4 fi 366 kaappitaala Birrii biiliyoonaa 93.5 galmeessanii fi carraa hojii kuma 329 ol uumuu dand’an boordiif dhiyaachuun murtoo argachuu ibsan.

Pireezidaanti Shimallis hojiilee beeksisa invastimantii naannichaa baatiiwwan ja’an darban hojjetaman irratti gabaasa Caffeef dhiyeessaniin, pirojektoota kuma 10 fi 61 simachuun, pirojektoota kuma 4 fi 366 kaappitaala Birrii biiliyoonaa 93.5 galmeessan, carraa hojii kuma 300 fi 29 ol uumuu danda’an boordiif dhiyaachuun murtoo argachuu ibsan.

Hojiilee invastimantii kanneen keessatti hirmaannaa hawaasaa naannichaa cimsuuf, qonnaa fi horsiisee bultoonni, waldaaleen hojii gamtaa, waldaaleen IMX fa’aan %70 qoodaa keessa akka qabaatan taasifamuu ibsaniiru.

Dhiyeessii ooomisha alergee guddisuuf hojiilee bal’aa hojjetamaniin, albuudaalee garagaraa dabalatee, Buna toonii kuma 100 fi 40, Baala Shaayee toonii kuma 2 fi 969, mi’eessituuwwan toonii kuma 49, Saliixa toonii kuma 3 fi 576, Jimaa toonii kuma 81, kuduraa fi muduraa toonii kuma 72, beellada dhaabbii kuma 300 fi oomisha dheedhii fi dibataalee addaa addaa gabaa alaaf dhiyeessuun akka danda’ame kaasaniiru.

Gama biraan fuuncaa daldalaa kan hir’isanii fi shamatataan kallattiin oomishaarraa akka bitu taasisuu fi sirna gabaa keessattis haala mijataa uumuuf giddugaloonni gabaa 983 ijaaramuu ibsaniiru.

#Oromia #Ethiopia

You might also like

Leave A Reply

Your email address will not be published.