Qaala’iinsa jireenyaa tasgabbeessuuf tarkaanfiin fudhatamaa jiru bu’aa argamsiise – TKM

Finfinnee, Amajjii 9, 2017 (FMC) – Qaala’iinsa jireenyaa tasgabbeessuuf tarkaanfiin adda addaa fudhatamaa jiru bu’aa argamsiisuu Tajaajilli Kominikeeshinii Mootummaa ibse.

Mootummaan daballii gatii seeraan alaa ittisuu fi hanqina dhiyeessii furuuf karaa guutuu fi itti gaafatamummaa olaanaa qabuun hojjechaa jiraachuu Ministirri Tajaajila Kominikeeshinii Mootummaa Dooktar Laggasee Tulluun eeran.

Qaamolee hanqinni dhiyeessii boba’aa akka mudatu taasisanirratti tarkaanfii cimaa fudhatamuu fi fudhatamaa jiraachuu himaniiru.

Yeroo ammaa dhiyeessiin Boba’aa gahaan jiraachuu ibsaniiru.

Oomishtummaa dabaluun damee hundaan Guddina diingadee itti fufiinsa qabu mirkaneessuun qooda lammiilee hundaa ta’uu eeraniiru.

Hojiin dhiyeessii bu’uuraalee misoomaa fi teeknooloojii babal’isuu bifa addaan hojjetamaa akka jiru himaniiru.

#Oromia #Ethiopia