Qabeenyiwwan uumamaa dhokatanii turan faayidaa ummataaf ooluu eegalan jedhame

Finfinnee, Amajjii 16, 2017 (FMC) – Qabeenyiwwan uumamaa dhokatanii turan faayidaa ummataaf ooluu eegaluu Pireezidaantiin Naannoo Kibba Lixa Itiyoophiyaa Dooktar Injinar Nagaash Waageeshoon himan.

Xiyyeeffannoo damee Albuudaaf kennameen qabeenyiwwan uumamaa dhokatanii turan faayidaa ummataaf ooluu eegaluu eeraniiru.

Warshaan Dhiqaa Albuuda Dhagaa Cilee Waldaa Aksiyoonaa Misooma Albuudaa ET jedhamuun Godina Daawurootti ijaarame eebbifamuun hojii eegaleera.

Naannichatti waggoottan jijjiiramaa as piroojektoonni fayyadamummaa hawaasaa mirkaneessan hojiitti galaa jiraachuu eeraniiru.

Naannichi kuufama qabeenya Albuudaa hedduu qabaachuun ibsameera.

Warshaan har’a eebbifame kun mootummaan qabeenya uumamaa misoomsuun hojii bu’aa qabeessa hojjechaa jiraachuu mul’iftuu ta’uu himaniiru.

Oomisha Dhagaa Cilee alaa galaa ture kan biyya keessaan bakka buusuun baasii sharafa alaa kan hir’isu ta’uu eeran.

Diinagdee naannawichaa si’eessuu keessattis gumaacha olaanaa qabaachuu himuu TOI gabaasera.

#Oromiyaa #Ethiopia