Qulqullina dhiyeessii humnaa fooyyessuuf karoorri Haaraan qophaa’uu tajaajilichi beeksise

Finfinnee, Guraandhala 20, 2017 (FMC) – Qulqullina dhiyeessii humnaa fooyyessuuf karoorri Haaraan qophaa’uu Tajaajilli Elektirikaa Itiyoophiyaa beeksiseera.

Hojii Raawwachiisaa Olaanaan Tajaajila Elektirikaa Itiyoophiyaa Injinar Geetuu Garramaw fi Hojii Raawwachiisaa Olaanaan Dhaabbata Hooldiingi Invastimantii Itiyoophiyaa Dooktar Biruuk Taayyeen karooricha ilaalchisee ibsa kennaniiru.

Qulqullina dhiyeessii humnaa, akkasumas Kenniinsa Tajaajila maamiltootaa fooyyessuuf karoorri haaraan qophaa’uu eeraniiru.

Tajaajilichi hanqinaalee hedduu kana dura turan furuun itti quufinsa maamiltootaa guddisuuf Riifoormiin hojirra oolche bu’aa argamsiisaa jiraachuu Injinar Garramew ibsaniiru.

Rakkoolee jiran adda baasuun tarkaanfiin sirreeffamaa fudhatamaa jiraachuu kaasaniiru.

Fooyyessi hojmaataa dhaabbilee biroo keessatti mul’atan Tajaajila Elektirikaa Itiyoophiyaattis mul’achaa jiraachuu Hojii Raawwachiisaa Olaanaan Dhaabbata Hooldiingi Invastimantii Itiyoophiyaa Dooktar Biruuk Taayyeen himaniiru.

Lammiilee hojmaada badaa fi rakkoolee bulchiinsa gaarii saaxiluun akkasumas bu’uuraalee misoomaa eeguun hirmaannaa akka taasisan gaafataniiru.

Maamiltoonni hojmaata badaa wayita argan kan itti eeruu kennan marsariitii, Telegramii fi bilbilli ifoomuu kaasaniiru.

Maraa’ol Kadirtu gabaase.

#Oromia #Ityoophiyaa