Raawwiin Ijaarsa Buufataale Xiyyaaraa haaraan naannoolee biyyattii addaa addaatti eegalaman sadarkaa gaarirra jiru-Dooktar Alamuu Simee

Finfinnee, Amajjii 15,2017 (FMC)- Ijaarsi Buufataalee Xiyyaaraa Naannoolee Biyyattii adda addaatti eegalamansadarkaa gaarirra jiraachuu Ministirri Ministeera Geejjibaa fi Loojistiksii Dooktar Alamuu Simeen ibsan.

Dooktar Alamuun yaa’ii paartii Badhaadhinaa 1ffaa irratti akkaataa waadaa galameen hojiiwwan damee geejjibaa fi loojistiksiitiin raawwataman ilaalchisee ibsa kennaniiru.

Ji’oottan jahan darbanitti hojiiwwan fayyadamumaa uummatichaa mirkaneessan fi milkaa’inoonni hedduun damicha keessatti galmaa’uu ibsaniiru.

Abbootiin qabeenyaa dhuunfaas ijaarsa buufataalee xiyyaaraa xixiqqaa irratti akka hirmaataniif waamicha mootummaan dhiyeesse hordofees bakka ijaarsa adda baasuu fi hojiitti galchuuf qophiileen barbaachisoon raawwatamaa jirus jedhan.

Keessumaa raawwiin galmoota gama geejjiba qilleensaa fi lafa irraa milkaa’aa ta’uu eeranii ammas cimee ittifufeera jedhan.

Ijaarsi buufataalee xiyaaraa haaraa naannoolee biyyattii jaha keessatti eegalames sadarkaa gaarii irra akka jiru dubbatan.

Waggoottan Ja’an jijjiiramaa asii keessa xiyyaarota haarawaa bituu fi hojiitti galchuun qaqqabamummaa fi kenniinsa tajaajilaa damichaa babal’isuun bu’aan caalu galmaa’uus kaasaniiru.

Gama loojistiksiitiinis sochiiwwan diinagdicha ariifachiisuu danda’an raawwatamaa akka jiran kan dubbatan Dooktar Alamuun iaarsi Buufata Gogaa Moojoo babal’isuu % 80 irra gahuu akka fakkenyaatti kaasan.

Ijaarsi bu’uuraalee misoomaa bakka tursiisa abaaboo, kuduraalee fi fuduraalees adeemsa irra jiraachuu himan.

Tajaajila geejjiba galaanarraa guddisuufis bittaan doonii fi Konkolaatoota garaagaraa raawwatamuus ibsuu TOI gabaaseera.