Raawwiin xaa’oo gara biyya keessaa geejjibsiisuu sadarkaa gaariirra jiraachuu ibsame
Finfinnee, Bitootessa 5, 2017 (FMC) – Bara baajataa 2017tti raawwiin xaa’oo gara biyya keessaatti geejjibsiisuu sadarkaa gaariirra jiraachuu Ministirri Ministeera Geejjibaafi Loojistiksii Dooktar Alamuu Simeen ibsan.
Raawwiin Karoora Koree xaa’oo gara biyya keessaatti geejjibsiisuuf hundeeffamee ‘Koree Istriingii’ gamaaggamameera.
Hanga baatii Bitootessa 4’tti xaa’oo bara baajatichaaf qabame meetirik toonii miiliyoona 2.4 keessaa meetirik tooniin kumni 700 gara biyya keessaatti geejjibsiifamuu ibsameera.
Walitti qabaan korichaa fi Ministirri Ministeera Geejjibaa fi Loojistiksii Dooktar Alamuu Simeen, raawwiin galmaa’eefi qindoominni dhaabbilee kan jajjabeeffamu ta’uu eeraniiru.
Itti Aanaan Walitti qabaa korichaafi Ministirri Ministeera Qonnaa Dooktar Girmaa Amanteen gamasaaniin, raawwiin kun karoora bittaa Ministeera Qonnaan qabame waliin kan walsimu akka ta’e ibsaniiru.
Xaa’oo gara biyyaa hin galiin hafe ariitiin gara biyyaatti geejjibsiisuuf qindoominni argame cimee akka itti fufu eeramuu ragaan Ministeera Geejjibaafi Loojistiksiirraa argame ni mul’isa.
#Oromia #Ethiopia