Riippaabliikni Cheek hariiroo damee barnootaan Itiyoophiyaa waliin qabdu cimsuuf fedhii qabaachuu ibsite

Finfinnee, Guraandhala 10, 2017 (FMC) – Riippaabliikni Cheek hariiroo damee barnootaan Itiyoophiyaa waliin qabdu caalmaatti cimsuuf fedhii qabaachuu beeksifte.

Ministirri Ministeera Barnootaa Piroofeesar Birhaanuu Naggaan jila Itiyoophiyaatti Ambaasaaddara Riippaabliik Cheek Miirooslaav Kooseekiin durfamu waliin mari’ataniiru.

Piroofeesar Birhaanuun barnoota qulqullina qabuu fi haqa qabeessa ta’e lammiilee waliin gahuuf riifoormii damee barnootaan hojjetame ilaalchiise ibsa taasisaniiru.

Barnoota giddu seentummaa siyaasarraa bilisa gochuun hojiileen garaagaraa raawwatamuu himaniiru.

Kanaanis dhaabbileen Barnoota olaanoo bilisa ta’anii ofiin akka of bulchan hojjetamaa jiraaachuu kaasaniiru.

Biyyoonni lamaan hariiroo damee Saayinsii fi Teeknooloojii, ijaarsa dhaabbilee barnoota olaanoo, carraa barnoota bilisaa, misooma barsiisootaa fi barnoota ogummaa Ispoortiin qaban cimsuun barbaachisaa ta’uu himaniiru.

Itiyoophiyaatti Ambaasaaddarri Riippaablika Cheek Miirooslaav Kooseek gama isaaniin, biyyoonni lamaan hariiroo damee barnootaa olaanaa qabaachuu eeruun,hariiroo kana sadarkaa fooyya’aatti guddisuun murteessaa ta’uu himuu ragaan Ministeera Barnootarraa argame ni mul’isa.

#Oromia #Ityoophiyaa