Fana: At a Speed of Life!

Sabdaaneessummaa daran cimsuuf hirmaannaan hawaasaa murteessaadha-Obbo Fiqaaduu Tasammaa

Finfinnee, Guraandhala 17, 2017 (FMC)– Sabdaaneessummaa daran cimsuuf hirmaannaan hawaasaa murteessaa ta’uu Ministirri Itti Gaafatamaa Damee Gurma’insa Paartii Badhaadhinaa Obbo Fiqaaduu Tasammaan ibsan.

Koonfiraansiin Ummataa Naannoo Giddugaleessaa Itiyoophiyaa Magaalaa Hosaa’inaatti gaggeeffameera.

Koonfiraansicharratti Obbo Fiqaaduu Tasammaan akka jedhanitti, sabdaneessummaa fi Itiyoophiyaa cimtuu hundeessuuf hirmaannaan ummataa murteessaadha.

Hawaasnis, nageenya, misoomaa fi dhimmoota biroorratti hirmaannaa taasisuu cimsee itti fufuu akka qabu gaafataniiru.

Hirmaannaa hawaasaan ala injifannoo galmeessuun akka hindanda’amne himanii, misoomaa fi nageenya biyyaa mirkaneessuuf hirmaannaa hundaa akka barbaachisu hubachiisaniiru.

Sadarkaa Pireezidaantii Itti Aanaatti Qindeessaan Kilaastara Hawaasummaa fi Hoggantuun Biiroo Barnootaa Naannoo Amaaraa Dooktar Mulunash Dassee gama isaaniin, misoomaa fi nageenya biyyaa mirkaneessuuf walta’iinsaan hojjechuun murteessaa ta’uu dubbataniiru.

Murteewwan Paartii Badhaadhinaan kennamanii fi kallattiiwwan akeekaman milkeessuuf qindoominaan hojjechuun murteessaa ta’uu himuu ragaan Kominikeeshinii naannichaarraa argame ni mul’isa.

#Oromia #Ethiopia

You might also like

Leave A Reply

Your email address will not be published.