Fana: At a Speed of Life!

Sanadni waliigaltee nageenyaafi tasgabbii uummataa mirkaneessuu dandeessisu ragga’e

Finfinnee, Guraandhala 22, 2017 (FMC) – Yaa’ii Komishinaroota Poolisii Itiyoophiyaa 19ffaan Sanadni waliigaltee biyya waloon cimsuu fi nageenyaafi tasgabbii uummataa mirkaneessuu dandeessisu ragga’uu ibsameera.

Kaayyoon sanadichaa qindoomina gaafatamummaafi waaraa wal amantaarratti hundaa’e uumuun rakkoolee nageenyaa waliin furuun amantaa hawaasni poolisiirraa qabu daran guddisuuf ta’uu eerameera.

Kana malees sanadichi qaamolee yakkaafi gochaa shororkeessummaa uumuun miliquu yaadan bakka dhokannaa dhabsiisuun qindoominaa fi wal amantaan hojjechuuf gahee olaanaa qabaachuu himameera.

Yaa’iin Komishinaroota Poolisii Itiyoophiyaa 19ffaan guyyoota lamaaf gaggeeffamaa ture ibsa ejjennoo abbaa qabxii torbaa baasuun guyyaa har’aa xumuramuu ragaan Poolisii Federaalaarraa argame ni mul’isa.

#Oromia #Ethiopia

You might also like

Leave A Reply

Your email address will not be published.