Shaggaritti waggoottan lamaa fi walakkaa darban keessa abbootiin qabeenyaa Birrii biiliyoona 200 fi biiliyoona 15 galmeessan simataman
Finfinnee, Bitootessa 26, 2017 (FMC) – Bulchiinsa magaalaa Shaggaritti waggoottan lamaa fi walakkaa darban keessa abbootiin qabeenyaa kaappitaala Birrii biiliyoona 200 fi biiliyoona 15 galmeessan simatamuun ibsame.
Magaalaan Shaggar waggoottan lamaa fi walakkaa darban keessa hojiiwwan galma magaalichaa bu’uureffatan roga hundaan hojjechaa jiraachuun ibsameera.
Magaalichatti hojii Invastimantiif xiyyeeffannoon kennamee hojjetamaa jiruun waggoottan lamaa fi walakkaa darbanitti abbootiin qabeenyaa kaappitaala Birrii Biliyoona 200 fi biiliyoona15 galmeessan simatamuun himameera.
Abbootiin qabeenyaa kunneen piroojektota Invastimantii Manufaakchariingii kuma 2 fi 363, tajaajila kuma 1 fi 591 fi Qonna 361 irratti bobba’anii hojjechaa jiraachuu ragaan Kominikeeshinii magaalichaarraa argame ni mul’isa.
Kanaanis lammiilee kuma 100 fi kuma 70 oliif carraan hojii uumamuun ibsameera.
#Oromia #Ethiopia