Sharafni alaa gabaan akka murtaa’u ta’uun faayidaa diinagdee argamsiiseera – Obbo Abbee Saannoo

Finfinnee, Amajjii 15, 2017 (FMC) – Sharafni alaa gabaan akka murtaa’u ta’uun faayidaalee diinagdee hedduu argamsiisuu Pireezidaantiin Baankii Daldalaa Itiyoophiyaa Obbo Abbee Saannoon ibsan.

Konfiraansiin Idil Addunyaa mata duree ‘dhiibbaa diinagdee gatiin Sharafa Maallaqoota biyyoota alaa gabaan akka murtaa’u ta’uun qabu’ jedhuun gaggeeffamaa jira.

Akkaataan Itti fayyadama maallaqaa seeraa fi sirnaan akka durfamu gochuun sharafni maallaqa biyyoota alaa dhaabbii akka ta’uu fi gabaan akka tasgabbaa’uu gargaareera jedhan Obbo Abbee Saannoon haasawa konfiraasnicharratti taasiisaniin.

Kuufama maallaqa alaa cimsuun hanqinni maallaqa dheedhii akka hin muudanne gochuun Diinagdee biyyattii sadarkaa olaanaatti ceesisa jedhaniiru.

Invastimantii kallattii hawwachuun haalli gabaa dhaabbataa akka ta’uu fi dorgomtummaa daldala alaa dabaluu himaniiru.

Riifoormichi oomishaa fi oomishtummaan biyya keessaa akka guddatu gargaarus eeraniiru.

#Oromia #Ethiopia