Fana: At a Speed of Life!

Sirna Heera mootummaa humnaan diiguun akka hin danda’amne tarkaanfii fudhatameen mirkanaa’eera – Obbo Araggaa Kabbadaa

Finfinnee, Guraandhala 29, 2017 (FMC) – Naannoo Amaaraatti tarkaanfiin olaantummaa seeraa kabachiisuuf fudhatame Sirna Heera mootummaa humnaan diiguun akka hin danda’amne mirkaneessuu Pireezidaantiin naannichaa Obbo Araggaa Kabbadaan ibsan.

Mana Maree Bakka Bu’oota Ummataatti filatamtoonni naannoo Amaaraa hoggantoota mana maree naannichaa waliin mari’ataniiru.

Naannichatti olaantummaa seeraa mirkaneessuuf xiyyeeffannoon hojjetamaa jiraachuu Obbo Araggaa Kabbadaan himaniiru.

Tarkaanfiin olaantummaa seeraa kabachiisuuf fudhatameen Sirna Heera mootummaa humnaan diiguun akka hin danda’amne mirkaneessuun danda’ameera jedhan.

Naannichatti yaadni fiinxaaleyyiin babal’achuun walitti bu’iinsa uumameen lubbuun namaa, qabeenyi barbaadaa’uu fi miidhaan xinsammuu qaqqabuu ibsaniiru.

Mootummaan naannichaa hojiilee Siyaasaa fi hariiroo Ummataa cimaa hojjechuun gaaga’ama ture qolachuu danda’uu Obbo Araggaan eeruu AMCn gabaaseera

#Oromia #Ityoophiyaa

You might also like

Leave A Reply

Your email address will not be published.