Sirni bulchiinsa geejjiba fe’umsaa qindaa’aan eebbifame

Finfinnee, Ebla 2, 2017 (FMC) – Ministeerri Geejjibaafi Loojistiksii Sirna bulchiinsa geejjiba fe’umsaa qindaa’aa eebbisiise.

Sirnichi tumsa Inistiitiyuutii Artifishaal Intelejensiin kan misoome yoo ta’u, kenniinsa galmeefi eeyyama oppireeterummaa geejjiba fe’umsaa odeeffannoo konkolaachisaafi konkolaataa waliin walitti hidhuu kan dandeessisu ta’uun ibsameera.

Kana malees eeyyama daangaa ce’uu konkolaattotaa, konkolaachistootaafi gargaartota konkolaachistootaa haala qindaa’aan kennuu dandeessisa jedhame.

Rakkoolee bulchiinsa gaarii gama tajaajila geejjiba fe’umsaan jiru furuu kan dandeessisu ta’uus ibsameera.

Sirni kun bakka Ministirri Ministeera Geejjibaafi Loojistiksii Dooktar Alamuu Simee, Daayrektarri Olaanaan Inistiitiyuutii Artifishaal Intelejensii Dooktar Injinar Warquu Gaachanaafi qaamoleen qooda fudhattootaa biroon argamanitti eebbisiifameera.

Feevan Bishaawutu gabaase.