Siyaasa imala tokkummaa biyyaalessaa gufachiisu dhabamsiisuun  barbaachisaadha jedhame

Finfinnee, Bitootessa 24, 2017(FMC) – Siyaasa imala tokkummaa biyyaalessaa gufachiisu dhabamsiisuun barbaachisaa ta’uu Itti gaafatamaan Waajjira Paartii Badhaadhinaa Damee Amaaraa obbo Yirgaa Siisaay ibsan.

Naannoo Amaaraatti mata duree “ bu’aalee Bitootessa 24 fi Abdii Egeree” jedhuun mariin paanaalii gaggeeffameera.

Paartiin Badhaadhinaa waggoottan darban milkaa’inoota hedduu galmeessisuu obbo Yirgaan ergaa waltajjicharratti dabarsaniin ibsaniiru.

Paartiin Badhaadhinaa siyaasa finxaalessummaa bara jijjiiramaa dura ture injifachuun siyaasa giddugaleessaa, tokkummaa biyyaalessaafi obbolummaa qabatee kan dhufe ta’uu eeran.

Barii jijjiiramaarraa eegalee hojiilee fayyadamummaa uummataa mirkaneessan hojjechuu kaasanii, akka biyyaatti dhaabbileen walabaa ijaaramuu akkasumas piroojektoonni  ijaarsi isaanii adda cite ture hojjetamuu ibsaniiru.

Hojin ijaarsa Hidha Guddicha Haaromsa Itiyoophiyaa milkaa’inoota jijjiiramaa keessaa tokko ta’uu himaniiru.

Jijjiiramaan asitti dameelee qonnaa, indaastirii, tajaajilaafi kanneen biroof xiyyeeffannoon kennamee hojjetamaa jiraachuus kaasaniiru.

Yaadota finxaalessummaa imala tokkummaa biyyaalessaa gufachiisan dhabamsiisuun barbaachisaa ta’uu eeruun, finxaalessummaan aadaafi duudhaa uummataa kan balleessu ta’uu ibsaniiru.

Ilaalcha siyaasaa seenessa waloo bu’uureffateen hojjechuun bakka barbaannuun nu gaha jechuusaanii ragaan kominikeeshinii naannichaarraa argame ni mul’isa.

#Oromia #Ethiopia