Soomni kan cubbuu itti injifannu ta’uu qaba–Abunee Maatiyaas

Finfinnee, Guraandhala 16, 2017 (FMC) – Paatiriiyaarikiin Mana Amantaa Ortodoksii Waloomaa Eebbifamoo Abunee Maatiyaas Sooma Guddaa Ayyaana Du’aa Ka’uu Iyyesuus Kiristoos sababeeffachuun ergaa baga geessanii dabarsaniiru.

Ummata Itiyoophiyaa maraan baga Sooma Guddaan isin gahe jedhaniiru.

Lubbuun jiraachuuf nyaanni qofti gahaa akka hin taane Iyyesuus Kiristoos ofii Soomuun Soomni lubbuu ilma namaaf daraan murteessaa ta’uu kan ittiin nu barsiisedha jedhan ergaa isaaniin.

Kaayyoo guddaan Soomaa shira seexanaa injifachuufi jedhanii, hojii gaarii raawwachuu fi Umaaf ajajamuun murteessaa ta’uu kaasaniiru.

Hordoftoonni Amantiin Kiristaanaa kan beela’an beela baasuun, kan daaretti uwwisaa, kan waldhaban araarsaa, akkasumas jibbaa fi shirarraa fagaachuun Sooma kana dabarsuu akka qaban dhaamaniiru.

Qaamoleen siyaasaas nageenyaa fi Tokkummaaf dursa akka kennan waamicha dhiyeessaniiru.

Soomni Guddaan Ayyaana Hiikaa Wiixata dhufu kan eegalamu ta’uu ibsaniiru.

Qiddisti Abaataatu gabaase.