Fana: At a Speed of Life!

Taphoonni Piriimeer Liigii Ingilaandi torbee 17ffaan har’a waaree boodaa eegalee taphatama

Finfinnee, Mudde 12, 2017 (FMC) – Taphoota Piriimeer Liigii Ingilaandi torbee 17ffaa har’a waaree boodaa eegalee taphatamuun morkiin kilabootaa gidduutti taasifamu hawwiin eegama.

Keessumaa taphni boru Tootenhaam, Liiverpuul keessummeessu hawwii olaanaan eegama.

Har’a waaree booda sa’aatii 9:30 eegalee taphni Astoon Viilaan Maanchiister Siitii waliin taasiisu xiyyeeffannoo argateera.

Galgala sa’aatii 12:00 eegalee taphoonni 3 kan taphataman yoo ta’uu, Bireentifoordi – Nootiingihaam Forest, Ipsiwiich Taawoon – Niwuukaasiil, Weest Haam – Biraayitan waliin waliin yoo morkatan, halkan sa’aatii 2:30 irraa jalqabee Kiristaal Paalaas – Arsenaal waliin falmiin taasiisu ni eegama.

Boru waaree booda sa’aatii 11:00 eegalee taphoonni 4 kan gaggeeffaman yoo ta’u, Eevartan – Cheelsii, Fuulhaam – Saawuuz Hampitan, Leesiister Siitiin – Woolviis, Maanchiister Yuunaayitiid – Boornimaawuuz waliin ni taphatu.

Galgala sa’aatii 1:30 irraa jalqabee taphni Tootenhaam – Liiverpuul keessummeessus hawwiin eegama.

Kilaboonni lamaan taphoota hanga ammaatti waliin taphatan 183 keessaa Liiverpuul yeroo 90 yoo injifatu, Tootenhaam yeroo 49 injifachuun si’a 44 qabxii qoodataniiru.

You might also like

Leave A Reply

Your email address will not be published.