Taphoota Laaligaa Ispeeniin taphni har’a Riyaal Maadriid Atileetikoo Maadriid keessummeessu ni eegama

Finfinnee, Guraandhala 1, 2017 (FMC) – Taphoota Laaligaa Ispeen torbee 23ffaan taphni har’a Riyaal Maadriid Atileetikoo Maadriid keessummeessu ni eegama.

Taphni darbii Maadriidi kun har’a halkan sa’aatii 5:00 irraa eegalee Istaadiyeemii Beernaaboorratti taphatama.

Riyaal Maadriid taphoota hanga ammaatti taphateen qabxii 49 walitti qabachuun sadarkaa 1ffaa irra yoo taa’u, Atileetikoo Maadriidis qabxii 48’n itti aana.

Kilaboonni lamaan taphoota hanga ammaatti waliin taphatan 233 keessaa Maadriid yeroo 118 yoo injifatu, Atileetikoon ammoo si’a 59 injifachuun, yerooo 56 qabxii qooddataniiru.

#Oromia #Ethiopia