Tattaaffiin filmaatawwan buufata doonii babal’isuu cimee akka itti fufu gaafatame 

Finfinnee, Bitootessa 9, 2017(FMC) – Daldala al-ergiifi galii guddachaa dhufe saffisiisuuf filmaatawwan buufata doonii babal’isuun dhimmi murteessaa ta’uu abbootiin qabeenyaa fi waldaaleen konkolaachistoota konkolaattota fe’umsaa ibsan.

Daldalli al-ergiifi galii irra jireessaan buufata doonii Jibuutii irratti kan hundaa’e ta’uun isaa damicha saffisiisuurratti rakkoo ta’uun ibsameera.

Filmaatawwan buufata doonii dhibuun meeshaalee ariitiin geejjibsiisuu fi gatiirratti hanqina uumuu kaasaniiru.

Tarkaanfii mootummaan filmaatawwan buufata doonii argamsiisuuf eegale tarkaanfii guddaa ta’uu eeruun, cimee itti fufuu akka qabu eeraniiru.

Biyyattiin filmaatawwan buufata doonii argachuun daldala al-ergiifi galii daran saffisiisuufi dorgomtummaa guddisuuf gahee olaanaa qabaachuu ibsamuu TOI gabaaseera.

Hojiin filmaatawwan buufataa doonii barbaaduuf eegalame akka milkaa’uuf abbootiin qabeenyaafi qaamoleen dhimmi ilaallatu gaheesaanii akka bahatan gaafataniiru.

#Oromia #Ethiopia