Tiraampi abbootii alangaa dhimma himannaa isaa qorataa turan hojiirraa ari’e
Finfinnee, Amajjii 20, 2017 (FMC) – Pireezidaantiin Ameerikaa Doonaald Tiraampi abbootii alangaa yakka himannaa isaarratti qorannoo gaggeessaa turan hojiirraa ari’uun gabaafame.
Abbaan alangaa waliigalaa Ameerikaa, yeroodhaaf muudaman Jeemsi MaakHenerii, erga qorannoo gahaa gaggeessanii jarri kun dhimmoota Pireezidaantichi irratti hojjechuu barbaadu hojiitti hiikuuf amanamoo miti jechuun akka ari’aman murteesseera.
Abbootiin seeraa kunneen yeroo Tiraampi himatame qorannoo irratti gaggeessuuf qooda olaanaa qabu turan.
Bu’aa filannoo bara 2020 garagalchuuf yaaluu fi haala itti sanadoota icciitii qabaa ture irratti himannaan yakkaa irratti banamee ture.
Murtoon guyyaa kaleessaa darbe hatattamaan hojiirra oola jedhameera.
Gorsaa abukaatoo waliigalaa Ameerikaa kan ture Jeemsi Ismiiz garee qorannoo kana Tiraampi irratti hundeessee ture.
Garuu Tiraampi filannoo mo’annaan qorannichi dhaabbate.
Pireezidaantii aangoorra jiru irratti qorannoon akkanaa hin gaggeeffamu.
Tiraampi akkuman aangoo qabadheen ”sekendii lama keessattin si ari’a” jedhee ture.
Jeemsi Ismiiz garuu Tiraampi osoo sirna kakuu hin raawwatiin hojii gadhiisuu BBCn gabaaseera.
#Oromia #Ethiopia