Waajjirri Giiftii Duree manneen barnootaa ijaarsiseef deeggarsa meeshaalee taasise
Finfinnee, Bitootessa 6, 2017 (FMC) – Waajjirri Giiftii Duree manneen barnootaa naannolee garaagaraatti ijaarsiseef deeggarsa meeshaalee taasiseera.
Waajjirichi manneen barnootaa sadarkaa 2ffaa 34’f deeggarsa taasisuun eerameera.
Deeggarsi taasifames kitaabilee deeggarsa barnootaa kuma 13, kompiitaroota taabileetii kitaabileen 500 irratti fe’ame, meeshaalee qulqullinaa dubartootaa kuma 2 fi 500 ta’uun ibsameera.
Dabalataanis kilinikoota manneen barnootaa kanneen keessatti argamaniif deeggarsi qorichaaleefi meeshaalee yaala fayyaa taasifamuun himameera.
Waajjirichi hojiilee qulqullina barnootaa mirkaneessuuf hojjetu dabalataan manneen barnootaa kutaalee biyyattii garaagaraa keessatti ijaasisetti deeggarsa yuuniifoormii barattootaa, boorsaafi deeggarsa meeshaalee biroo taasisaa turuun kan yaadatamudha.
#Oromia #Ethiopia