Waldaan Yuunivarsiitiiwwan Konpirheensiivii hunda’e

Finfinnee, Bitootessa 2, 2017 (FMC)-  Waldaan Yuunivarsiitiiwwan Konpirheensiivii Yuunivarsiitiiwwan 21 keessatti hammataman hunda’uun ibsame.

Yaa’iin hundeeffama waldichaa Yunivarsiitii Madda Walaabuutti gaggeeffameera.

Ministeerri Barnootaa yuuniivarsiitiiwwan hojiilee hojjetaniin bu’aa qabeessa akka ta’aniif “ Applaayidiifi Kompirheensiivi” jechuun gurmeessuun kan yaadatamudha.

Ministir Deetaan Ministeera Barnootaa Kooraa Xushuneen, yuuniivarsiitiiwwan qindoominaan waliin hojjechuun faayidaa olaanaa qabaachuu ibsaniiru.

Yuunivarsiitiiwwan gurmaa’iinsa Kanaan hojiilee ergama isaanii milkeessan irratti xiyyeeffachuun hojjechuu akka qaban eeruun, bu’aa qabeessummaa waldichaaf ministeerichi deeggarsa akka taasisu himaniiru.

Walitti qabaa yuuniivarsiitichaa ta’uun kan filataman Pireezidaantiin Yuuniivarsiitii Dabra Taabor Dooktar Anagaagireny Gaashaawu, gurmaa’insi haaraan yuuniivarsiitiiwwan ergama isaanii bu’aa qabeeyyiifi dorgomtoota akka ta’an kan deeggaru ta’uu kaasaniiru.

Yuuniivarsiitiiwwan muuxannoo akka waljijjiiraniifi tumsaan hojjetaniif gahee olaanaa qabaachuu ibsuu isaanii TOI gabaaseera.

Yaa’ii hundeeffama waldichaarratti bakka buutonni yuuniivarsiitii miseensa waldichaa waloon hojjechuuf waliigaltee mallatteessaniiru.

#Oromia #Ethiophia