Walgahiin Mana Maree Waloo Daldalaa Itiyoophiyaafi Sa’ud Arabiyaa gaggeeffame

Finfinnee, Ebla 14, 2017(FMC) – Walgahiin Mana Maree Waloo Daldalaa Itiyoo- Sa’udii tumsa diinagdee biyyoota lameenii cimsuurratti kaayyeeffate gaggeeffameera.

Marichaan hariiroo seena qabeessa biyyoota lameenii damee diinagdeen cimsuun barbaachisaa akka ta’e ibsameera.

Walga’ichi boqonnaa tumsa diinagdee haaraafi hariiroo tarsiimawaa kan uumu ta’uun eerameera.

Tumsa diinagdee biyyoottan lameenii cimsuuf damee daldalaafi invastimantiin waliin hojjechuun barbaachisaa ta’uun himameera.

Waltajjichaan dameewwan indaastirii oomishaa, qonnaa, albuudaa, tuurizimiifi konistiraakshiniin waliin hojjechuuf waliigalamuu ragaan Embaasii Itiyoophiyaa Riyaaditti argamurraa argame ni mul’isa.