Walga’iin Waloo Komishinii Ministirootaa Itiyoo-Ugaandaa 4ffaan gaggeeffamaa jira

Finfinnee, Bitootessa 26, 2017 (FMC) – Walga’iin Waloo Komishinii Ministirootaa Itiyoo-Ugaandaa 4ffaan Finfinneetti gaggeeffamaa jira.

Walga’ichi tumsa biyyoota lameenii cimsuufi dameelee garaagaraan waliigaltee mallatteessuuf kan kaayyeffate ta’uu ibsameera.

Ministirri Ministeera Dhimma Alaa Dooktar Geediyoon Xiimootiwoos waltajjicharratti ergaa dabarsaniin, Itiyoophiyaan waliigalteewwan kanaan dura walga’iiwwan waloo komishinii Ministirootaan mallattaa’an hojiirra oolchaa turuu yaadachiisaniiru.

Tattaaffii naannichatti shororkeessummaa ittisuuf taasifamaa jiru fi itti fayyadama haqa qabeessa laga Abbayyaarratti  tumsi jiru akkaataan itti fufuu danda’u waltajjii kanarratti akka ka’anis hubachiisaniiru.

Ministirri Dhimma Alaa Yugaandaa Odongo JJ Abubakar gamasaaniin, biyyoonni lamaan damee daldalaa, qonnaa, bu’uuraalee misoomaa, fi geejjibaarratti waliin hojjechuuf carraan akka jiru ibsaniiru.

Ashannaafii Shibbiruutu gabaase

#Oromia #Ethiopia