Waliigalteen damee tuurizimii jajjabeessuuf dandeessisu mallattaa’e

Finfinnee, Guraandhala 25, 2017 (FMC) – Daandiin Qilleensaa Itiyoophiyaa, Ministeerri Tuurizimii fi Tajaajilli Immigireeshiniifi Lammummaa waliigaltee damee tuurizimii jajjabeessuuf dandeessisu waliif mallatteessaniiru.

Waliigalticha Ministirri Ministeera Tuurizimii Salaamaawwit Kaasaa, Daayrektara Olaantuun Tajaajila Immigireeshiniifi Lammummaa Salaamaawwit Daawwitiifi Hojii Raawwachiisaa Olaanaan Daandii Qilleensaa Itiyoophiyaa Obbo Masfin Xaasawu mallateessaniiru.

Waliigaltichi damichi akka babal’atuu fi guddatu akkasumas faayidaa diinagdee irraa argamu guddisuuf kan gargaaru ta’uu eerameera.

Waliigalteen kun imaltoonni Itiyoophiyaa akka daawwatan taasisuuf gahee olaanaa qabaachuu Obbo Masfin Xaasawu ibsaniiru.

Salaamaawwit Kaasaan gamasaaniin, daandiin Qilleensaa Itiyoophiyaa damichaan dandeettii olaanaa qabaachuu kaasuun, waliigaltichi bakkeewwan gahumsa tuuristii bal’inaan akka daawwataman ni taasisa jedhan.

Waliigaltichi dhaabbileen sadeen hojii isaanii si’oominaan akka hojjetan kan gargaaru ta’uu  Daayrektara Olaantuun Tajaajilli Immigireeshiniifi Lammummaa Salaamaawwit Daawwit eeraniiru.

Waliigalteen kun tuurizimii magaalaa Finfinnee guddisuuf ilaalcha keessa kan galche ta’uu fi Paakeejii Istooppi Ooveri imaltoota magaalicha keessa turtii taasisaniif qophaa’e irratti waloon hojjechuuf ta’uu ibsameera.

Yeshaamba Mihiratitu gabaase.

#Oromia #Ethiopia