Fana: At a Speed of Life!

Warshaan Dhagaa Cilee Daawuroo carraa Invastimantii ta’e jedhame

Finfinnee, Guraandhala 25, 2017 (FMC) – Warshaan Dhiqaa Dhagaa Cilee Daawuroo Invastimantii hawwachuuf carraa akka uumu ibsameera.
Warshaan Dhiqaa Dhagaa Cilee Daawuroo Baatii Amajjii 2017 eebbifamuun hojii eegaluun kan yaadatamuudha.
Warshichi lammiilee hedduuf carraa hojii dhaabbii fi yeroo uumuus Qajeelchi Bishaan, Albuudaa fi Inarjii Godina Daawuroo ibseera.
Dhaabbiileen Galteewwan Oomisha Dhagaa Cilee dhiyeessan 14 eeyyama fudhachuun gara hojiitti galuu Itti Gaafatamaan qajeelchichaa Obbo Hayilee Dubbaalaan himaniiru.
Warshichi galteewwan oomisha Simmintoo dhiyeessuu, carraa hojii uumuu fi oomishaalee alaa galan biyya keessatti oomishuun diinagdee biyyaaf qooda olaanaa bahataa akka jiru Hojii Gaggeessaan Warshichaa Bafiqaaduu Asaffaan dubbataniiru.
Warshaan Dhiqaa Dhagaa Cilee Waldaa Aksiyoonii Misooma Albuudaa ET waggaan Oomisha Dhagaa Cilee dhiqamaa qulqullina olaanaa qabu Toonii kuma 400 fi kuma 50 hanga kuma 500 Warshaalee Oomisha Simmintoof dhiyeessaa jiraachuu TOI gabaaseera.
Kunis fedhii biyya keessaa % 25 kan uwwisu ta’uun himameera.
You might also like

Leave A Reply

Your email address will not be published.