Yaa’ii Idileen Caffee Oromiyaa boruu eegalee taa’ama

Finfinnee, Guraandhala 1, 2017 (FMC) – Caffeen Oromiyaa Yaa’ii Idilee 8ffaa waggaa 4ffaa bara hojii 6ffaa boruu eegalee Magaalaa Adaamaa Galma Caffeetti taa’a jedhame.

Afyaa’iin Caffee Oromiyaa Aadde Sa’aadaa Adurraahmaan ibsa miidiyaaleef kennaniin Caffeen yaa’ii kanaan ajandaalee garaagaraarratti mari’achuun murtoo akka dabrsuu himaniiru.

Caffeen yaa’iisaa kanaan milkaa’inoo jiran akka babal’ataniifi hanqinoota muudatan kan ittiin qoratamu ta’uu Af -Yaa’iin Caffee Oromiyaa Aadde Sa’aadaa Abdurrahamaan dubbataniiru.

Yaa’ii kana adda kan taasisu dhimmoota gurguddoo akka naannichaatti karoorfaman milkaa’inoota argamsiisaa jiran ittiin ilaalludhas jedhan.

Akkasumas gabaasa raawwii baatiiwwan jahan darbanii dhaggeeffachuun kallattiigara fulduuraa ni kaa’a jedhan.

Mudamoota garaa garaas ni raggaasisaan eeggama.

Daagmaawwii Daksiisaafi Baayiluu Baaneetu gabaase.

#Oromia #Ityoophiyaa