Yaa’iin Gamtaa Afrikaa milkiin xumuramuu Humni Waloo Nageenyaa beeksise

Finfinnee, Guraandhala 10, 2017 (FMC) – Yaa’ii Idileen Gamtaa Afrikaa 38ffaa fi Walga’ii Idilee 46ffaan Mana Maree Hojii Raawwachiiftuu milkiin xumuramuu Humni Waloo Nageenyaa beeksiseera.

Nageenya Magaalaa Finfinnee caalmaatti cimsuun, Sochiin hawaasaa osoo hin gufatiin, yaa’insa Tiraafikaa fooyya’aa ta’een hojiin keessummeessuu qindoomina qabu hojjetamuun yaa’ichi milkiin akka xumuramu taasiifamuu Humni Walichaa ibsa miidiyaaleef ergeen himeera.

Keessummoonni yaa’ichaa wayita Finfinnee keessa socho’an eegumsii fi dabaalummaa teeknooloojiin deeggarame taasiifamuu himeera.

Hojiileen qaamoleen nageenyaa hojjetan Afrikaa kan boonse, murannoo Itiyoophiyaan Gamtaa Afrikaa cimsuuf qabdu guddisee kan mul’ise ta’uu Humni Waloo Nageenyaa fi Tasgabbii kun ibsa isaan himeera.

Jiraattoonni Magaalaa Finfinnee qaamolee nageenyaa waliin ta’uun tumsi taasiisan kan galateeffamu ta’uu eereera.

Hoggantotaa fi Miseensota Humna Walichaa namuusa gaariin ergama itti kenname ga’umsaan bahatan galateeffateera.

#Oromia #Ethiopia