Yaa’iin idilee 2ffaa Paartii Badhaadhinaa har’a eegala

Finfinnee, Amajjii 23, 2017 (FMC) – Yaa’iin idilee 2ffaa Paartii Badhaadhinaa har’aa eegalee mata duree “Waadaarraa hanga Aadeffannaatti” jedhuun guyyootaa sadiif gaggeeffama.

Itti Gaafatamaan Hariiroo Ummataa fi Idil Addunyaa Dooktar Biqilaa Hurrisaa Faanaa Miidiyaa Koorporeeshiniif akka ibsanitti, Amajjii 23-25, 2017 yaa’ii paartichaa gaggeeffamuun murtoowwan garagaraa ni murteeffamu.

Dabalataan kallattiiwwan fuulduree murteessoon kan itti akeekaman ta’u himan.

Yaa’ii har’aa eegalee Finfinneetti gaggeeffamuu kanarratti miseensonni fi hoggantoonni paartichaa akkasumas kutaaleen hawaasaa garaagaraa ni hirmaatu jedhameera.

Dabalataan, hoggantoonni olaanoo paartilee obbolaa biyyoota ollaa 15 fi paartii obbolaa biyyoota miseensa BRICS 43 akka hirmaatan eegama.

Afwarqi Iyyaayyuutu gabaase.

#Oromia #Ethiopia