Yuukreen Diroonoota nama maleeyyii Raashiyaa 106 kuffisuu beeksifte

Finfinnee, Guraandhala 12, 2017 (FMC) – Humni Qilleensaa Yuukreen duula kaleessa galgala gaggeesseen Diroonoota nama maleeyyii Raashiyaa 106 rukutuun kuffisuu beeksiseera.

Humni qilleensichaa Diroonoota Nama maleeyyii Raashiyaa 127 kuffisuuf duula gaggeesseen 106 rukuun kuffisuu ibseera.

Diroonoonni kunneen Yukreen bulchiinsa Oodeesaa, Kiiyev, Suumii fi Cheerkaasii keessatti haleellaa raawwachuuf wayita sochiirra turan rukutamuu isaanii BBCn gabaaseera.

Haleellaa irra deddeebii Raashiyaan Magaalaa Oodeessarratti raawwatteen lammiileen Yuukreen kumni 100 fi kumni 60 Tajaajila anniisaa ala ta’uu isaanii Pireezidaantiin Yuukreen Vooloodmiir Zalaniskiin ibsaniiru.

Tarkaanfiin Ittisaa Humni Qilleensaa Yuukreen fudhate kun halaallee Raashiyaan Magaaloota Yuukreenirratti raawwattu hanga tokko kan hir’isu ta’uu eerameera.

#Oromia #Ethiopia