Yuukreen gara marii nageenyaatti dhufuuf qophiii ta’uu Pireezidaanti Doonaald Tiraampi ibsan

Finfinnee, Guraandhala 26, 2017 (FMC) – Pireezidaantiin Ameerikaa Doonaaldi Tiraampi, Yuukreen gara marii nageenyaatti dhufuuf qophii ta’uu Xaalayaan ibsu kan Pireezidaantii biyyattii Vooloodmiir Zelaniksiin barreessaan isaan qaqqabuu ibsaniiru.

Doonaaldi Tiraampi Walga’ii Waloo Koongiransii Waashingitanitti taa’amerratti ergaa dabarsaniin Zelaniksiin xaalayicha bifa kanaan erguun isaa kan dinqisiifatamuudha jedhan.

Pireezidaantiin Yuukreen Vooloodmiir Zelaniksiin torbee darbe gara Waayit Hawus imaluun mariin Pireezidaantii Ameerikaa Doonaald Tiraampifi itti aanaa isaanii waliin taasisan waliigaltee malee xumuramuun kan yaadatamuudha.

Yaa ta’uutii erganaa Yuukreenitti nageenya waareessuuf bulchiinsa Pireezidaanti Tiraampi waliin tumsaan hojjechuuf qophii ta’uu Pireezidaanti Zelaniksiiin ibsaniiru.

Yuukreen saffisaan gara marii nageenyatti dhufuuf qophii ta’uu fi Ummata Yuukreen caalaa nageenya kan barbaadu akka hin jirre xaalayichaan ibsamuu Doonaald Tiraampi himaniiru.

Zelaniksiin waliigaltee Albuudas mallatteessuuf qophii ta’uu beeksisuu, Doonaaldi Tiraampi dubbachuu BBCn gabaaseera.

Heelan Taaddasaatu gabaase.

#Oromia #Ethiopia