የኢትዮጵያና ሩሲያ የረጅም ጊዜ ወዳጅነት በምጣኔ ሃብታዊ ትብብር ተጠናክሮ ይቀጥላል- አፈ-ጉባኤ ታገሠ ጫፎ

አዲስ አበባ፣ የካቲት 12፣ 2017 (ኤፍ ኤም ሲ) የኢትዮጵያ እና ሩሲያ የረጅም ጊዜ ወዳጅነት በምጣኔ ሃብታዊ ትብብር ተጠናክሮ እንደሚቀጥል የሕዝብ ተወካዮች ምክር ቤት አፈ-ጉባኤ ታገሠ ጫፎ ገለጹ፡፡

አፈ-ጉባኤ ታገሠ ጫፎ በሩሲያ ፌዴራል ጉባኤ ፌዴሬሽን ምክር ቤት ሊቀመንበር በቫለቲና ማትቬንኮ የተመራ የልዑካን ቡድንን በጽህፈት ቤታቸው ተቀብለው አነጋገረዋል፡፡

በዚሁ ወቅት አፈጉባዔ ታገሰ÷ሩሲያ ከኢትዮጵያ ጋር ረጅም ጊዜ ወዳጅነት እንዳላት ገልጸው ወዳጅነቱ በምጣኔ ሃብታዊ ትብብር ተጠናክሮ እንደሚቀጥል ተናግረዋል፡፡

ሩሲያ በዓለም አቀፍ መድረኮች የኢትዮጵያን ጥቅም ለማስከበር ከኢትዮጵያ ጎን እንደምትቆም ጠቅሰው÷ ግንኙነቱ ወደፊትም ተጠናክሮ እንደሚቀጥል ገልጸዋል፡፡

የሁለቱን ሀገራት ግንኙነት የበለጠ ለማጠናከር በፓርላሜንታዊ፣ በንግድ፣ በኢንቨስትመንት እና የንግዱን ማሕበረሰብ ያሳተፉ ስራዎች ተጠናክረው እንደሚቀጥሉ አፈ-ጉባኤው ጠቅሰዋል፡፡

ኢትዮጵያ እና ሩሲያ የብሪክስ አባል ሀገራት እንደመሆናቸው፣ በብሪክስ መድረክ ትብብራቸውን አጠናክሮ ለማስቀጠል እንደሚሰራ መገለጹን የምክር ቤቱ መረጃ ያመላክታል፡፡

የሩሲያ ፌዴራል ጉባኤ ፌዴሬሽን ምክር ቤት ሊቀመንበር ቫለቲና ማትቬንኮ በበኩላቸው÷የሁለቱን ሀገራት የቆየ የወዳጅነት ግንኙነት በምጣኔ ሃብት፣ በንግድ እና ኢንቨስትመንት ለማስቀጠል ሀገራቸው ፍላጎት እንዳላት ተናግረዋል፡