Kal-fadhigii 11 aad ee Golaha Hawl-fulinta DDS oo kaqabsoomay hoolka shirarka ee Garaad Maxamed Dool.
Addis Ababa,Mar 15, 2021 (Megabit 06,2013 T.I (FBC/SOMALI)-Kal-fadhigan oo uu shirgudoominayay Madaxwaynaha DDS Mudane Mustafe Muxumed Cumar ayna kasoo qaybgaleen golaha hawl-fulinta DDS ayaa waxaa horyaalay 2 ajande oo kala ah:
1. Kawada hadalka arrimaha abaaraha
2. Qaabkii loo maaraynlahaa sixir-bararrka. (Xogg warran iyo jiho qaadasho)
Kulankan ayayna masuuliyiintu cod buuxa ku’ansixiyeen in dhamaan golaha wasiirada iyo masuuliyiinta magacaabista ahi ay mushaarkooda bishan ugu deeqaan in biyo-dhaan iyo gurmad loogu sameeyo bulshada Deegaanka, islamarkaana lagasii diyaar’garoobo abaaro darran oo iman kara, hadii roobku wakhtigii lasugi jiray uu dib maro.
Guddi isku dhaff ah ayaana loo’xilsaaray in baadhitaan iyo dabagalba ay kusameeyaan sababta kadanbaysa
sixir-bararrka, si cuntooyinka daruuriga u ah nollosha bulshada loogusoo celiyo sixirkii loogu talogalay.
Wasirka Xafiiska Warfaafinta DDS mudane Cali Badal oo waraysi siiyay warbaahinta Deegaanka markii uu kulankani soo’idlaaday ayaa sheegay in xukuumadu ay dadaal badan ugu jirto sidii loogu gurman lahaa shacabka Deegaanka, ee wakhtigani kujira xaaladdo biyola’aaneed iyo abaaro, islamarkaasina loodhimi lahaa sixir-barrarka.
Xukuumada ayaana lacag gaadhaysa 20 milyan horay ugu qabatay in biyo dhaan loogu sameeyo dagmooyinka ay biyo yaraantu kajiraan taasi oo 310,693 qoys ilaa hadda ay kafaa’iidaysteen biyo-dhaanka sida uu caddeeyay xafiiska Maaraynta iyo Khatarta Masiibooyinka DDS.
SRTV Rasmi page