Golaha Hawl-fulinta Deegaanka Soomaalida oo yeeshay kal-fadhi lagu lafagurayay xaaladda guud ee dalka

Addis Ababa,July 01, 2021 (Senee 24,2013 T.I (FBC/SOMALI)-Kal-fadhi ay yeesheen Golaha Hawl-fulinta Deegaanka ayaa lagaga hadlay xaaladda guud ee uu dalku marayo.

Kulankan ayaa waxaa aad loogu lafo-guray xaaladaha ka soo cusboonaaday dalka, gaar ahaan soo-laabashada ururka argagixisada ah ee TPLF iyo saamaynta amni ee ay ku yeelan karaan Deegaanka Soomaalida.

Waxaana si guud la iskula qaatay in amniga guud ee deegaanka loo sugo si dar-dar leh, maadaama laga yaabo in shaqsiyaad gacan-yareyaal u ah Ururka TPLF ay sameeyaan dhaq-dhaqaaqyo lid ku ah nabadgelyada shacabka, dawladduna ay diyaar u tahay mar walbe difaaca shacabkeeda iyo ka-hortagga xaalad walbe oo caqabad ku noqon karta amniga, xasilloonida iyo midnimada shacabka Deegaanka Soomaalida.

Wasiirka Xafiiska War-faafinta DDS, Mudane Cali Baddal oo aannu waraysi la yeelannay markii uu kulankani soo gabo’gaboobay ayaa yidhi sidatan; Marnaba uma dulqaadan doonno shakhsiyaadka u gacan-haadinaya ururkii 30-kii sano ee tegay baabi’ayey bulshada Soomaaliyeed dhinac dhaqaale iyo mid bulshaba.

Wasiirka ayaa sida oo kale xusay in ayna dawladdu marnaba u dulqaadan doonin shaqsiyaadka lagu qabto fal-danbiyeedyo lid ku ah xasilloonida shacabka, bulshadana looga baahan yahay in ay ciidanka ammaanka garab ku siiyaan dadaallada loogu jiro sugidda amnigooda.

Kulankan ayaa sida oo kale lagu ansixiyay labo qodob (ajende) oo kala ah:

1. Qaab-dhismeedka cusub ee dhanka horumarinta magaalooyinka iyo dhismaha.

2. Awaamiirta go’aamminta hannaanka bixinta mag-dhawga iyo dib-u-dejinta dadka dhulka looga kiciyo danta guud ee magaalooyinka.

SRTV Rasmi page