Guddiga doorashooyinka qaranka Qaranka Itoobiya oo ku dhawaaqay go’aan ah waqtiga ay ku qabsoomayso doorashada guud ee Lixaad ee dalka ka dhacaysa

Addis Ababa,May 15, 2021 (Ginbot 07,2013 T.I (FBC/SOMALI)-Gudiga doorashooyinka qaranka ee Itoobiya (NEBE) ayaa ku dhawaaqay go’aan ah in todobaadyo lagu daro waqtiga ay ku qabsoomayso doorashada guud ee 6aad, sida ay sheegtay warbaahinta EBC.

Doorashada soo socota ayaa laga yaabaa in lagu daro muddo laba ama saddex toddobaad ah laga bilaabo maanta, sida ay shaaciyeen guddiga doorashooyinku.

Guddiga doorashooyinka qaranka ee Itoobiya (NEBE) ayaa qabanaya kulan wadatashi ah oo ay la yeelanayaan hogaamiyaasha xisbiyada siyaasadda ee ku loolamaya nidaamka diiwaan galinta ee codbixiyaasha.

Waxaa sidoo kale la filayaa in gudiga uu meel mariyo go’aanka ah in codbixinta ka qabsoonto Addis Ababa iyo Maamulada Magaalada Diridhaba isla maalintaas iyada oo jadwalka doorashada qaran la waafajinayo