Itoobiya oo ganafka ku dhufatay eedaymo la xidhiidha u adeegsiga hubka kimikada ee deegaanka Tigray

Addis Ababa,May 24, 2021 (Ginbot 17,2013 T.I (FBC/SOMALI)-Wasaaradda Arrimaha Dibadda ee JDFI ayaa xustay warbixintii shalay lagu daabacay wargeyska Telegraph oo uu qoray Mr. Will Brown oo ah wariyaha Afrika ee magaalada Nairobi u fadhiya , kuna saabsanayd eedaymo la xidhiidha u adeegsiga “hubka kiimikada” ee deegaanka Tigray.

Wuxuu yidhi, “… dadka shacabka ah ee waqooyiga Itoobiya waxa ku dhacay gubasho aad u xun oo ka dhalatay adeegsiga maadada fosfooraska cad, oo ah dambi dagaal oo dhici kara.” Arrintan awgeed, Wasaaraddu waxay jeclaan lahayd inay si cad u ganafka ugu dhufato eedeyntan.

Itoobiya ma kuma shaqo leh mana isticmaali doonto walxahaas mamnuuca ah maxaa yeelay waxay si dhab ah u gudanaysaa waajibaadkeeda caalamiga ah sida ku cad Heshiiska Hubka Kiimikada.

Iyada oo dhibbane u ah weerarada hubka kiimikada lafteeda, Itoobiya sidoo kale waxay si kulul u cambaareyneysaa adeegsiga hubka kiimikada qofkasta oo jooga.

Wasaaraddu waxay horey uga sii digtay bulshada caalamka daabacaadda warbixin ceynkan oo kale ah oo mas’uuliyad darro ah, taas oo in ay sii hurisa xiisadda  mooyee aan  aan ujeeddo aan ujeeddo kale laga lahayn.

Looma arki karo wax ka duwan dadaalka socda ee lagu doonayo in lagu xoojiyo cadaadiska ka dhanka ah dowladda Itoobiya.