Itoobiya oo ku gacan saydhay warqad uu Ururka jaamacadda carabtu uu u diray golaha Ammaanka ee Qaramada Midoobay si uu usoo farageliyo arrinta biyo-xidheenka

Addis Ababa,July 06, 2021 (Senee 29,2013 T.I (FBC/SOMALI)-Dalkan Itoobiya ayaa ku gacan saydhay faragalinta aan laga fiirsan ee Ururka Jaamacada Carabta ee ku aadan arrinta biyo xidheenka weyn ee Itoobiya (GERD),kadib markii Jaamacada Carabtu warqad u gudbisay Golaha Amaanka ee Qaramada Midoobay iyo xoghayaha guud Qaramada Midoobay,si ay usoo farageliyaan arrinta.

Ra’iisal wasaare kuxigeenka ahna Wasiirka Arimaha Dibada Itoobiya, Demeke Mekonnnen ayaa shalay isna warqad u diray madaxweyna Golaha Ammaanka ee Qaramada Midoobay ,isagoo sheegay in dalkiisu ka xunyahay jamacada carabta sida ay Qaramada Midoobay ugala hadleen arrinta uu muranka xooggani ka taagan yahay.

Ururka Jaamacadda Carabta wuxuu caan ku yahay taageerada aan gabashada lahayn ee shuruud la’aanta ah ee ku aaddan sheegasho kasta oo ay Masar soo bandhigtay oo ku saabsan arrinta Niilka, ayaa ku xusnayd warqadda.

Qaabka ay raacayaan Ururka jaamacadda carabta ayaa halis gelinaya xidhiidhka saaxiibtinimo iyo iskaashi ee u dhexeeya Midowga Afrika iyo Jaamacadda Carabta tan iyo markii wadaxaajoodka saddex geesoodka ah ee biyoxidheenka ee sida habsamida leh u socda iyadoo uu gadhwadeen ka yahay Midowga Afrika (AU), ayaa ku jirtay warqadda.

Warqadda ayaa lagu xusay in Midowga Afrika, oo ah urur guud oo ay ka mid yihiin Itoobiya, Masar, iyo Suudaan, uu soo bandhigayo madal saddex-geesood,si ay u wadaxaajodaan islamarkaana heshiis waxku ool ah loo gaadho iyada raacayo nidaamka xallinta khilaafaadka ee dhibaatooyinka Afrika.