RW Abiy oo dadweynaha Itoobiya ee aan qaadan kaadhka cod-bixinta ugu baaqay in ay kaadh-qaadashada kaga faa’idaystaaan saacadaha ka dhiman diiwaangelinta cod-bixiyayaasha

Addis Ababa,May 14, 2021 (Ginbot 06,2013 T.I (FBC/SOMALI)-Raiisel wasaare Abiy Axmed ayaa ugu baaqay muwaadiniinta aan diiwaan gashanayn inay u adeegsadaan saacadaha u hadhay xaq u yeelashada doorashooyinka guud ee soo socda.

“Aad ayaan ugu faraxsanahay cid kasta oo usoo baxday toddobaadyadii la soo dhaafay si ay isu diiwaangaliyaaan ,una codeeyaan Doorashooyinka 6-aad ee Qaranka” ayuu yidhi Ra’iisal wasaaruhu.

Ra’iisul Wasaaraha ayaa intaa ku daray “In kasta oo tirada la diiwaangeliyey ay ka badatay tii doorashadii 5aad ee Qaranka, haddana saacado kooban ayaa u dhiman kuwa aan isdiiwaangelin inay fursadan ka faa’idaystaan.

Gudiga doorashooyinka qaranka ee itoobiya ayaa ku dhawaaqay in maanta la soo gabagabeyn doono diiwaan galinta codbixiyaasha.