Wasaaradda arrimaha dibada oo qabatay kulan wadatashi oo bulshada loogu wacyigelinayo in ay taageero u muujiyaan Biyo-xidheenka

Addis Ababa,May 20, 2021 (Ginbot 13,2013 T.I (FBC/SOMALI)-Wasaaradda arrimaha dibadda JDFI oo kaashanaysa Xafiiska Golaha Qaranka ee Isuduwidda Kaqaybgalka Dadweynaha ee Dhismaha Biyo-xidheenka Weyn ee Itoobiya ayaa wadatashi labo maalmood ah la yeeshay xisbiyada siyaasadeed ee loolamaya  iyo hay’adaha madaniga iyo kuwa diinta,kaas lagaga  arriminayay howlaha shaqo ee biyo-xidheenka weyn ee Itoobiya.

Wadaxaajoodka ayaa waxa si gaar ah diirada loogu saaray halka ay marayaan wadahadalada seddex geesoodka ah, dhismaha biyo xidheenka, iyo muujinta taageerada shacabka.

Danjire Dina Mufti oo ah af-hayeenka wasaarada arimaha dibada iyo Dr. Aregawi Berhe oo isna agaasimaha guud ee xafiiska golaha qaran ee isku dubaridka kaqeybgalka bulshada ee dhismaha biyo xidheenka weyn ee Itoobiya ayaa si wada jir ah u shir gudoomiyay madashani.

Dr. Belete Berhanu, oo ah xubin ka tirsan wasaarada biyaha, waraabka, iyo tamarta, ayaa kazoo qaybgalayaasha u sharraxay sababta ay Itoobiya ugu baahan tahay inay dhisto biyo xidheenkan iyo faa iidada uu u leeyahay muwaadiniinteeda.

Kaqeybgalayaashii madasha ayaa dhankooda muujiyay sida y ka go’an tahay inay meel uga jeesanayaan maadama arrinta biyo xidheenku yahay ajande guud.

Kaqeybgalayaasha ayaa bogaadiyay balanqaadkii dowlada ee ahaa in lagala tashado arrimaha masiiriga ah ee qaranka.