Wasaaradda caafimaadka dalkan Itoobiya oo sheegatay in xoogga la saarayso sidii dalka loo keeni lahaa ilaa 9 Milyan oo ah tallaalka Cudurka COVID-19

Addis Ababa,Feb 09, 2021 (Yekatit 02,2013 T.I (FBC/SOMALI)-Wasaaradda caafimaadka dalkan Itoobiya ayaa sheegatay in xoogga la saarayso sidii loo keeni dalka ilaa 9 Milyan oo ah tallaalka Cudurka COVID-19 ,labada bilood ee foodda innagu soo haya.

Wasiirrada Caafimaadka, Dr. Liya Tadesse ayaa sheegtay in 9 Milyan oo oo talaal COVID 19 ah ah keeni doono dalka dhammaadka bisha Maarso ama bilowga bisha Abriil, 2021.

Hadalkan ayaa yimid xilli ay wasiirradu warbaahinta uga warbixisay halka uu marayo hal-kudhiggii “Maaskaro la’aan, Adeeg ma jiro” ee ololaha Qaran ee xidhashada maaskarada(Af-xidhka).

Hawlo baadhitaan ayaa la fulinayaa si loo aqoonsado kuwa mudnaanta koowaad la siin doono marka la gaadho waqtiga tallaalka la bilaabayo.

Dr. Liya waxay sheegtay in tallaalkan mudnaanta kowaad la siinayo,oo lagu bilaabayo,shaqaalaha caafimaadka ee safka hore kaga jira dagaalka lagula jiro feyraska, xirfadlayaasha caafimaadka bulshada iyo shaqaalaha gaadiidka dadweynaha.