Wasaarrada caaafimaadka oo berri bilaabaysa qaybinta xidhmadii labaad ee talllaalka cudurka covid-19

Addis Ababa,July 13, 2021 (Hamle 06,2013 T.I (FBC/SOMALI)-laga bilaabo maalinta berri ah waxa hay’addaha caafimaadka lagu wareejin doonaa tallaalka cudurka covid-19 wareegiisii labaad.

Sida ay sheegayso warbixin kasoo baxday wasaaaradda caafimaadka  ayaa waxa  lagu sheegay in lagu hawlanyahay sidii dhammaan dadweynaha loo wada gaadhsiin lahaa tallaalka cudurka Covid-19.

Wasiirka wasaaradda caafimaadka JDFI ,Dr.Liya Tadhase ayaa waxa ay sheegtay in wareeggii labaad ee tallaalkan ay qaateen muwaadiniin tiradooda lagu qiyaasay in ka badan 2 Milyan oo qof,halka wareeggii labaad ee isla tallaalkaan ay qaateen muwaadiniin tiradoodu dhammayd 42 kun oo qof.

wasiirrada ayaa intaa ku dartay in tallaalka cudurka Covid-19 oo dunida gabaabsi ku noqday awgeed uu dalka ka daahay ,balse uu dhowaan dalka soo gaadhay nooca tallaalka ee Astrazeneca oo xidhmooyinkiisu dhammaa 400 kun.

Waxa kale oo wasiiraddu sheegtay in berri tallaalka laga bilaabi doono magaaladan Addis Ababa,halka maalinta jimcahana laga bilaabi doono dhammaan deegaannada uu dalku ka koobanyahay,waxaana tallaalkan qaadan kara oo keliya muwaadiniintii qaatay tallaalkii ugu horreeyay ee muddadii saddexda bilood ahi u buuxsantay.

Warbixinta wasaaradda ayaa lasii raaciyay in haatan mudnaanta koowaad lasiinayo tallaalida dadka ay ka midka yihiin shaqaalaha ka hawlgala gaadiidka gaar ahaan basaska yaryar iyo kuwa waaweyn ee dadweynaha,shaqaalaha wasaaradda dakhliga iyo kuwa xafiiska ilaalinta cashuuraha ,ciidamada booliiska federaaalka iyo ciidanka booliiska maamulka magaalada Addis Ababa.

sidoo kale waxa iyaga mudnaanta lasiin doonaa shaqaalaha dawladda hoose ,macaliniinta iyo goobaha lagu xannaaneeyo carruurta.

tallaalkan ayaa sida warbixinta lagu sheegay wareeggiisa koowaad waxa lagu qaadan doonaa muddo 3 ilaa 4 toddobaad gudahooda,waxaana ay haatan wasaaraddu ku hawlantahay baadhitaanno la xidhiidha haddii uu jiro  noocyada feyraska ee Alpha iyo Beta.