Xukuumadda DDS oo muddooyinkii u dambeeyay 18 dugsi sare iyo 11 dugsi oo kuwa hoyga ah ka hirgelisay guud ahaan 11-ka gobol ee deegaanka

Addis Ababa,July 15, 2021 (Hamle 08,2013 T.I (FBC/SOMALI)-Xukuumadda DDS ayaa muddooyinkii u dambeeyay 18 dugsi sare iyo 11 dugsi oo kuwa hoyga ah ka hirgelisay guud ahaan 11-ka gobol ee deegaanka si kor loogu qaado tirada iyo tayada ardayda.

Wasiir-ku-xigeenka Xafiiska Waxbarashada DDS, Mudane Cabdiqaadir Maxammed Shugri oo ay wehelinayaan masuuliyiinta maamulka degmada Bilcil-buur ayaa si wadajir ah xadhigga uga jaray dugsi sare oo laga hirgeliyay tuulada Gosalaley ee degmada Bilcil-buur.

Dugsigan oo ay ku baxday in ka badan 8 Milyan oo Birr ayaa waxaa laga dhisay goob hadda kahor ahaan jirtay xarun ciidan oo ay tacaddiyo badan ka dheceen sida ay sheegeen qaar ka mid ah bulshadii loo dhisay dugsigan sare ee tuulada Gosalaaley.

Ugu dambayn, wasiir-ku-xigeenka Xafiiska Waxbarashada DDS, Mudane Cabdiqaadir Maxammed Shugri iyo guddoomiyaha degmada Bilcil-buur, Mudane Cabdiqaadir Khadar Sh. Ismaaciil ayaa bulshada degmada kula dardaarmay in ay ilaashadaan dugsigan sare ee loo dhisay.

SRTV Rasmi Page