Fana: At a Speed of Life!

ህንፀት ዓለም ለኸ ስታዲየም ባህር ዳር ኣብዚ ዓመት ብምዝዛም ፀወታታት ምትእንጋድ ክጅምር ኢዩ – ም/ቀ/ሚ ተመስገን ጥሩነህ

ኣዲስ ኣበባ፣ 25 ለካቲት፣ 2017 (ኤፍ ኤም ሲ)ህንፀት ዓለም ለኸ ስታዲየም ባህር ዳር ኣብ ዘደንቕ መዛዘሚ ምዕራፍ ህንፀት ከምዝርከብ ምክትል ቀዳማይ ሚኒስትር ተመስገን ጥሩነህ ገሊፆም፡፡

እቶም ምክትል ቀዳማይ ሚኒስትር ኣብ ማሕበራዊ ሚዲያ ገፆም፥ “እቲ ስታዲየም ኣብ ዝሓለፈ ዓመት ወርሒ ሓምለ እንትንመፅእ ካብ ዝነበሮ ምስሊ ኣዚዩ ተለዊጡ ተዓዚብና” ኢሎም።

ውሽጣዊ ቀፅሩ ብዝሐሸ ወቂቡ፣ ገጠማ ወናብር ተመልከትቲ እናተቀላጠፈ፣ ሳዕሪ ተተኺሉን ካልኦት ውሽጣዊ ስራሕቲን እናተሰርሑ ከምዝርከቡ እውን ኣብሪሆም።

ህንፀት እቲ ስታዲየም ብኩሎም መሰረተ ልምዓታት ዓለም ለኸ ደረጃ ካፍን ፊፋን ሓሊዩ ኣብ መወዳእታ ምዕራፍ ምብፅሑ ኣመልኪቶም።

“ዓብዪ ስታዲየም ባህር ዳር ሃገርና ኣህጉራዊን ዓለም ለኻዊን ውድድራት ንኽተተኣናግድ ዕድል ዝፈጥር ኢዩ” ኢሎም።

ካብዚ ብተወሳኺ ንከተማ ባህር ዳር ተወሳኺ ፅባቐ፣ ፍልፍል እቶትን ምንቕቓሕ ዓውዲ ስፖርትን ዝህልዎ ኣስተዋፅኦ ልዑል ከምዝኾነ ኣብሪሆም።

ኣብ መወዳእታ እዚ ዓመት ህንፀቱ ሙሉእ ብሙሉእ ብምዝዛም ፀወታታት ምትእንጋድ ከምዝጅምር ኣብ ዑደቶም ምዕዛቦም ፀሪሖም።

You might also like

Leave A Reply

Your email address will not be published.