ህዝቢ ስትራቴጂታት ልምዓት ንምዕዋት ዝገብሮ ተሳትፎ ከጠናኽር ይግባእ-ኣለሙ ስሜ(ዶ/ር)

ኣዲስ ኣበባ፣ 01 መጋቢት፣ 2017 (ኤፍ ኤም ሲ)ህዝቢ ስትራቴጂታት ልምዓት ንምዕዋት ዝገብሮ ተሳትፎ ኣጠናኺሩ ክቕፅል ከምዝግባእ ሚኒስትር ትራንስፖርትን ሎጂስቲክስን ኣለሙ ስሜ(ዶ/ር) ገሊፆም።

እቶም ሚኒስትር ኣብ ዞባ ኣርሲ ወረዳ መርቲ ምስ ዝነብሩ ክፋላት ማሕበረሰብ ዘቲዮም።

ኣብቲ ዘተ፥ ኩሎም ክፋላት ማሕበረሰብ ናይ ሃገሩን ናይ ባዕሉን ህይወት ንምምሕያሽ መንግስቲ ዝቐረፆም ስትራቴጂታት ልምዓት ተግባራዊ ንምግባር ይረባረብ ከምዘሎ ምግላፆም ኣብቲ ሚኒስቴር ዝረኸብናዮ ሓበሬታ የረድእ።

እዚ ተጠናኺሩ ምቕፃል ከምዝግባእ ድማ ሓቢሮም።

ብፍላይ መናእሰይ ንባዕልቶም ካብ ዘየድሊዩ ነገራት ብምሕላው ኣብ ዝተፈላለዩ ስራሕቲ ልምዓት ብምስታፍ ምዕባለ ኢኮኖሚ ንምርግጋፅ ዝግበር ፃዕሪ ልዑል ምዃኑ ንኢዶም።