ለውጢ ስዒቡ ዝተረኸቡ ውፅኢታት ኣብ ከይዲ ምርግጋፅ ስድራ ብልፅግና ልዑል እጃም ኣለዎም- ኣይተ ኣወሉ ኣብዲ

ኣዲስ ኣበባ፣ 24 መጋቢት 2017 (ኤፍ ኤም ሲ) 24 መጋቢት 2010 ዓ.ም ጋህዲ ዝኾነ ሃገራዊ ለውጢ ስዒቡ ዝተረኸቡ ውፅኢታት ኣብ ከይዲ ምርግጋፅ ስድራ ብልፅግና ልዑል እጃም ከምዘለዎም ምክትል ርእሰ ምምሕዳር ክልል ኦሮሚያ ኣይተ ኣወሉ ኣብዲ ተዛሪቦም፡፡
‘ትማሊ፣ ሎሚን ፅባሕን ንልዕልና ኢትዮጵያ!’ ብዝብል መሪሕ ሓሳብ ኣብ ከተማ ኣምቦ ሃገራዊ ለውጢ ብምድጋፍ ህዝባዊ ሰልፉ ተኻይዱ፡፡
ኣብቲ ሰልፊ ነበርቲ ከተማ ኣምቦን ሓዊሱ ማሕበረሰብ ዞባ ምዕራብ ሸዋ ዝተሳተፉ እንትኾን÷ ኣቦታት ሃይማኖት፣ ኣባ ገዳታት፣ ሃዳ ሲንቄታትን ዝተፈላለዩ ክፋላት ማሕበረሰብ ተረኺቦም፡፡
ኣይተ ኣወሉ ኣብዲ ኣብ ዘመሓላለፍዎ መልእኽቲ÷ እቲ ለውጢ ጋህዲ ምዃኑ ንዜጋታት ተረባሕቲ ዝገበሩ ተግባራት ምኽያዶም ገሊፆም፡፡
እቲ ለውጢ ስዒቡ ኣብ ኢትዮጵያ ዝተረኸቡ ኢኮኖሚያዊ፣ ማሕበራዊን ፖለቲካዊን ውፅኢታት ኣብ ከይዲ ምርግጋፅ ስድራ ብልፅግና ልዑል እጃም ኣለዎም ምባሎም ኣብ ኮሙኒኬሽን ዞባ ምዕራብ ሸዋ ዝተረኸበ ሓበሬታ የረድእ፡፡