ልምዓት ኮሪደር ዝተሓብአ ፅባቐ ከተማ ጅማ ብዝበለፀ ንክደምቕ ገይሩ-ቀ/ሚ ኣቢይ(ዶ/ር)

ኣዲስ ኣበባ፣ 17 ጥሪ፣ 2017 (ኤፍ ኤም ሲ)ኣብ ከተማ ጅማ ዝተኻየደ ልምዓት ኮሪደር ዝተሓብአ ፅባቐ እታ ከተማ ብዝበለፀ ንክደምቕ ገይሩ ኢዩ ክብሉ ቀዳማይ ሚኒስትር ኣቢይ ኣሕመድ(ዶ/ር) ገሊፆም።

እቶም ቀዳማይ ሚኒስትር ኣብ ከተማ ጅማ ዝነበሮም ፃንሒት ጠሚቶም ኣብ ዝሃብዎ መብርሂ፥ ኢትዮጵያ ብሃፍቲ ተፈጥሮ ዝተዓደለት ሃገር ምዃና ኣብሪሆም።

እንተተሰሪሑሎም ዓለም ዘደምሙ ፀጋታት ተፈጥሮ ኣብ ኩሎም ከባቢታት ኢትዮጵያ ከምዘለዉ እውን ሓቢሮም።

ኣብ ኢትዮጵያ ምድማር ዝበሃል ሓሳብ እንትጅመር ሰለስተ ቀንዲ ቀንዲ ዓንዲታት ከምዝነበርዎ ብምግላፅ፥ ፈላማይ ሃፍቲ ተፈጥሮ፣ ፀጋን ሃፍቲን ብዝግባእ ምፍላጥ ምኽኣል ኢዩ ኢሎም።

ሐዚ ዓቕሚ ተፈጥሮ ጅማ ብምግንዛብ ዝተሰርሐ ስራሕ ዘደምም ከምዝኾነ ዝገለፁ እቶም ቀዳማይ ሚኒስትር፥ እዚ ናይ ሓሳብ ምህዞ፣ ዲሲፕሊን ስራሕን ነበርቲ ነቲ ሓሳብ ምድጋፍ ብድምር ዘምፀኦ ውፅኢት ኢዩ ኢሎም።

ህዝቢ ጅማ ልምዓት እታ ከተማ ብቕንዕና ብምቕባል ዝገበሮ ኩለ መዳያዊ ደገፍ ዝነኣድ ከምዝኾነ እውን ገሊፆም።

ስለዝኾነ ምስጋና ይግበኦ ኢሎም።

ሓሳብ ኣለና፣ ናይ ምስራሕ ድልየት ኣለና፣ ጥንካረ ኣለና፣ ፅቡቕ ተኸታሊ እንተረኺብና፣ እንተተደሚርናን እንተተደጋጊፍናን ኣብ ከተማ ጅማ ዘሎ ዓይነት ፅባቐ ኣብ ካልኦት እውን ክረአ ኢዩ ክብሉ አውን ተዛሪቦም።

ብመላኩ ገድፍ