ልኡኽ ዓለም ለኸ ርክብ ፓርቲ ኮሚኒስት ቻይና ኣብ ፋና ሚዲያ ኮርፖሬሽን ዑደት ኣሳሊጡ

ኣዲስ ኣበባ፣ 11 ለካቲት፣ 2017 (ኤፍ ኤም ሲ)ልኡኽ ዓለም ለኸ ርክብ ፓርቲ ኮሚኒስት ቻይና ኣብ ዋና ቤት ዕዮ ፋና ሚዲያ ኮርፖሬሽን ዑደት ኣሳሊጡ።

እቶም ኣባላት ልኡኽ፥ ዝተፈላለዩ ክፍሊታት ስራሕ ተዘዋዊሮም ተዓዚቦም።

ዋና ኣፈፃሚ ስራሕ ፋና ሚዲያ ኮርፖሬሽን ኣይተ ኣድማሱ ዳምጠው ብምክትል ዳይሬክተር ርክብ ሓበሬታ ህዝብን ኮሚኒኬሽንን ዓለም ለኸ ክፍሊ ርክብ ዡ ሮንግሹይ ዝተመርሐ ልኡኽ ዘቲዮም።

እቲ ዘተ ኣብ ዓውዲ ሚዲያ ዘሎ ርክብ ክብ ምባል ኣብ ዘኽእሉ መገዲታት ጠመተ ዝገበረ ኢዩ።

ኣብዚ ሐዚ እዋን እቲ ትካል ብሸሞንተ ናይ ውሽጢ ዓዲን ክልተ ናይ ወፃኢን ቋንቋታት ብቴሌቮዥን፣ ሬዲዮን ዲጂታል ሚዲያን ኣማራፅታት ልዑል ቁፅሪ ዘለዎ መድመፅን ተመልካቲን ተበፃሒ ከምዝኾነ ገሊፆም።

ፋና ሚዲያ ኮርፖሬሽን ካብ ማሕበራዊ፣ ኢኮኖሚያዊ፣ ፖለቲካዊን ዲፕሎማሲያዊን ዛዕባታት ብተወሳኺ ኣብ ዓውዲ ተሃድሶ ተመረፅቲ ዝኾኑ ትሕዝቶታት እዚ እዋን ብዝበፅሖ ቴክኖሎጂ ብምሕጋዝ ንማሕበረሰብ ተበፃሒ እናገበረ ከምዝርከብ ኣፍሊጦም።

ፋና፥ ብሪክስ ቲቪ ሓዊሱ ምስ ዝተፈላለያ ዓለም ለኸ መሓዙት ሚዲያታት ብምትሕብባር ይሰርሕ ከምዘሎ ብምግላፅ፥ ኣብ መንጎ ኢትዮጵያን ፈተውቲ ሃገራትን ምትሕብባር ህዝቢ ምስ ህዝቢን ባህሊን ምጥንኻር   ዘኽእሉ ተግባራት እናካየደ ከምዝኾነ ተዛሪቦም።

እቲ ዑደት ዓለም ለኻዊ ምትሕብባር እቲ ትካል ክብ ንምባል ዘካይዶ ዘሎ ፃዕሪ ሓጋዚ ኢዩ ኡሎም።

ዡ ሮንግሹይ ብግደኦም፥ ኣብ ዑደቶም ፋና ሚዲያ ኮርፖሬሽን ዘጥቀመሎም ዘሎ ምዕቡላት መሳርሒታትን ኣሰራርሓታትን ንፅርየትን ተበፃሕነትን ዘለዎ ቁርፀኝነት ዘርእይ ኢዩ ኢሎም።

ናይ ህዝቢ ምስ ህዝቢን ባህሊን ዝምድናታት ንምጥንኻር ሚዲያ ወሳኒ ግደ ከምዝፃወት ሓቢሮም።

መንግስቶም ይኹን ፓርቲኦም ምስ ፋና ሚዲያ ኮርፖሬሽን ብስልጠና፣ ምትሕብባር ቴክኒክን ልውውጥ ልምዲን ትሕብብር ንምግባር ደልዊ ከምዝኾነ ኣረጋጊፆም።

ብወንደሰን አረጋኽኝ