ሕቶ በሪ ባሕሪ ኢትዮጵያ ቀጠናዊ ዝምድና ዝፈጥር ፃዉዓት ምዃኑ ተገሊፁ

ኣዲስ ኣበባ፣ 26 ለካቲት፣ 2017 (ኤፍ ኤም ሲ)ሕቶ በሪ ባሕሪ ኢትዮጵያ ሃገራት ዞባ ቀርኒ ኣፍሪካ ብኢኮኖሚ ዘዛምድ ረብሓ ዘለዎ ፃዉዒት ከምዝኾነ ኣሜሪካዊ ተመራማሪ ኢኮኖሚን ፖለቲካን ላውረንስ ፍሪማን (ፕ/ር) ገሊፆም፡፡

እቶም ተመራማሪ፥ ሕቶ በሪ ባሕሪ ኢትዮጵያ ፍትሓዊ ምዃኑ ንፋና ሚዲያ ኮርፖሬሽን ተዛሪቦም፡፡

ኣብ ስሉጥ ዕብየት ኢኮኖሚ እትርከብ ኢትዮጵያ፥ ኢኮኖሚኣ ካብዚ ንላዕሊ ንምዕባይ በሪ ባሕሪ ከምዘድልያ ኣፅንኦት ብምሃብ ተዛሪቦም።

ንኢትዮጵያ  በሪ ባሕሪ ብስምምዕነት ምሃብ ማለት፥ ንግዲ እቲ ዞባ ንምዕባይ፣ ፈጠራ ዕድል ስራሕ ዘነቓቕሕን ኢኮኖሚያዊ ዝምድና ዘጠናኽርን እዩ ኢሎም፡፡

ሃገራት ምብራቕ ኣፍሪካ እውን፥ ነዙይ ኣብ ግምት ብምእታዉ ኢትዮጵያ በሪ ባሕሪ እትረኽበሉ ኣማራፃ ንምምዕርራይ መድረኽ ዘተ የድሊየን እዩ ኢሎም፡፡

እቲ ዞባ ካብ ጎንፂ ከይወፅእ ዝሰርሑ ኣካላት፤ ሕቶ በሪ ባሕሪ ኢትዮጵያ ከም ባህጊ ኲናት ሓሲቦም የቕርብዎ ከምዘለዉ ሓቢሮም፡፡

ኣብዚ ሰሙን ኣብ ሞንጎ ኢትዮጵያን ሶማሊያን ዝተረኣዩ ዉፅኢታዊ ከይዲ ዲፕሎማሲ፥ ናይዞም ኣካላት ፕሮፓጋንዳ ዝተዛበዐ ምዃኑ መርኣያ ምዃኑ ሓቢሮም ፡፡

ክልቲአን ሃገራት ንሓበራዊ ዕብየት ኣብ ክሊ ዝረብሐን ጉዳያት  ዘተ ኣብ ምክያድ ከምዝርከባ ኣዘኻኺሮም፡፡

እዙይ ድማ ኢትዮጵያ እቲ ዞባ ንምትእስሳር ናይ እተካይዶ ፃዕሪ መርኣያ እዩ ኢሎም፡፡

ብተወሳኺ ኣብቲ ዞባ ዘሎ ኣፈላላይ ብዘተ ምፍታሕ ከምዝከኣል መርኣያ ምዃኑ ኣረዲኦም፡፡

ብቃለኣብ ግርማ