ሕዝበ ሙስሊም ካብ ማንም እዋን ንላዕሊ ሰላም ሃገሩ ክሕሉ ከምዝግባእ ተገሊፁ

ኣዲስ ኣበባ፣ 25 ጥሪ፣ 2017 (ኤፍ ኤም ሲ)ሕዝበ ሙስሊም ካብ ማንም እዋን ንላዕሊ ሰላም ሃገሩ ክሕሉ ከምዝግባእ ፕሬዚዳንት ላዕለዋይ ቤት ምኽሪ ጉዳያት እስልምና ኢትዮጵያ ሼይኽ ሓጅ ኢብራሂም ቱፋ ኣተሓሳሲቦም፡፡

እቶም ፕሬዚዳንት ኣብ 2ይ ዙር ዓለም ለኸ ውድድር ፍፀመ ቁርኣንን ኣዛንን ኣብ ዘመሓላለፉዎ መልእኽቲ÷ “እቲ ውድድር ንቁርኣን ዘለና ክብሪን ፍቕሪን ዝረኣናሉ ኢዩ” ኢሎም።

ንቁርኣን ዝወሃብ ክብሪን ፍቕሪን ልዕሊ እዚ ንኽኸውን ፃዕሪ ክንገብር ይግባእ ክብሉ እውን ገሊፆም፡፡

ሰላም ንወዲ ሰብ ኣድላዪ ከምዝኾነ ብምግላፅ÷ ሕዝበ ሙስሊም ካብ ማንም እዋን ንላዕሊ ሰላም ሃገሩ ክሕሉ ከምዝግባእ ምትሕስሳቦም ሓበሬታ እቲ ላዕለዋይ ቤት ምኽሪ ኣመላኺቱ፡፡