መለለዪ መንነት ፋይዳ መሰረተ ልምዓት ዲጂታል ፐብሊክ ብስሉጥ ንምትግባር ዝሕግዝ ኢዩ- በለጠ ሞላ (ዶ/ር)

ኣዲስ ኣበባ፣ 12 ጥሪ፣ 2017 (ኤፍ ኤም ሲ)መለለዪ መንነት ፋይዳ መሰረተ ልምዓት ዲጂታል ፐብሊክ ብስሉጥ ንምትግባር ዝሕግዝ ኢዩ ክብሉ ሚኒስትር ኢኖቬሽንን ቴክኖሎጂን በለጠ ሞላ (ዶ/ር) ገሊፆም።

ብቶኒ ብሌየር ኢንስቲትዩት ኣቢሉ ዝተሰናደአን ኣብ መሰረተ ልምዓት ዲጂታል ፐብሊክ ዝጠመተን ዓውደ መፅናዕቲ ተኻይዱ።

በለጠ ሞላ (ዶ/ር)፥ ኢትዮጵያ ኣብ ዝሓለፉ ዓመታት ስትራቴጂ 2025 ዲጂታል ኢትዮጵያ ብምትግባር ብዙሓት ወፅኢታት ኣመዝጊባ ኢያ ኢሎም።

መንግስቲ ንመሰረተ ልምዓት ዲጂታል ፐብሊክ ፍሉይ ጠመተ ምሃቡ አውን ገሊፆም።

ብፍላይ መለለዪ መንነት ፋይዳ ምህላው ኣብ ምስላጥ ምትግባር መሰረተ ልምዓት ዲጂታል ፐብሊክ ኢትዮጵያ እወንታዊ ዕድል ዝህብ ኢዩ ኢሎም።